Son vaxtlar İran hökümətinin məclisə təqdim etdiyi büdcə layihəsində müxtəlif vilayətlərdən toplanacaq verginin artacağına dair açıqlanan rəqəmlər xüsusilə Şərqi Azərbaycan vilayətində qızğın mübahisələrə səbəb olub. Bəzi yerli siyasətçilər, iş adamları, jurnalistlər habelə millət vəkilləri xüsusilə Şərqi Azrbaycan və Zəncan kimi vilayətlərin ödəyəcəyi vergiyə həddən artıq çoxalma gətirildiyini ədalətsizlik olaraq qiymətləndirirlər. Amerikanın Səsi bu haqda iqtisadiyyat eksperti Mehdi Paşayi ilə danışıb.