Siyasi fəal Orduxan Temirxan Amerikanın Səsinə müsahibəsində koronavirus pandemiyasına görə Avropa ölkələrinin və Azərbaycanın öz vətəndaşlarına etdiyi yardımlar paketinin müqayisə edib. İctimai fəalın sözlərinə görə, insanların ən çox iqtisadi yardıma ehtiyacı olduğu bir vaxtda Azərbaycan höküməti işsiz kimi qeydiyyatda olan şəxslərə cəmi 190 manatlıq yardım edəcəyini açıqlayır, üstəlik bu pulu verməmək üçün də min cür bəhanələr gətirir. “Əgər bir ailədə 4-5 nəfər varsa və onlardan cəmi biri belə işləyirdisə və ya müavinət alırsa, həmin ailəyə 190 manatlıq birdəfəlik yardım edilməyəcək. Həmin yardım edilsə belə 4-5 nəfərlik ailə 190 manata bir ay necə yaşaya bilər?”