Daşlaşmış Meşə Milli Parkının ərazisində 1200-dən çox arxeoloji sahə mövcuddur. Araşdırmalar onu göstərir ki, buranın ilk sakinləri 800-ci ildən başlayaraq bu ərazilərdə yaşamağa başlayıb. Eramızın 1250-ci ilindən başlayaraq 1450-ci ilinə qədər burada yaşadıqları güman edilən Ansestral Pueblo qəbiləsinin su hövzələrinə yaxın yerlərdə tikdikləri geniş pueblo binalarının qalıqları həmin dövrdəki insanları yaşayış tərzi ilə bağlı maraqlı məlumatların toplanmasında əvəzsiz rol oynayır.