Milli-mədəni fəaliyyətləri üzündən dəfələrlə İranın təhlükəsizlik qurumları tərəfindən həbs və işgəncəyə məruz qalmış urmiyəli həkim və milli-mədəni fəal Əlirza Abdullahi Amerikanın Səsinə müsahibədə Ettelaat məmurlarının güneyli məhbuslara tətbiq etdiyi psixoloji və fiziki işgəncə metodları haqda danışıb. Üç aydan artıq Ettelaatın təkadamlıq kamerasında saxlanılmış güneyli fəal özü və əqidə yoldaşlarının İran İslam Respublikası zindanlarında yaşadığı təcrübələri şərh edib.