Oktyabrın 26-da Balakən şəhərində regionda xurmaçılığın daha da geniş təbliğ edilməsi məqsədilə artıq ənənə halını almış, III Xurma festivalı keçirilib. Tədbirin rəsmi açılışından sonra, iştirakçılar rayonda istehsal olunan kənd təsərrüfatı, ən əsası xurma məhsullarının nümayiş etdirildiyi sərgilərlə tanış olublar. Tədbir boyu müxtəlif şirniyyatların, tətbiqi sənət nümunələrinin satış yarmarkası təşkil olunub.