Koronavirusa görə martın 17-dən bəri karantində olan Fransa, zəruri hallar istisna küçəyə çıxma məhdudiyyəti tətbiq edir. Peşə fəaliyyəti, gündəlik bazarlıq, tibbi yardım almaq kimi zəruri hallarda bayıra çıxanlar xüsusi arayış formasını doldurmalı, yoxlama olarsa, kağız və ya smartfon üzərindən təqdim etməlidirlər. Epidemiyanın Fransada yayılmağa başladığı martın əvvəlindən bu yana virusa yoluxan 14 mindən çox insan həyatını itirib. Ümumi yoluxma sayı isə hələlik 137 min civarındadır.