US101 səfərimizin ikinci günü yolumuz Sakit okeanı sahilində yerləşən ən mənzərəli parklardan biri olan Samuel H.Boardman Mənzərəli Dəhlizinədir. Oreqon parklarının ilk nəzarətçisinin adı verilmiş bu dəhliz sıldırım qayaların qeyri-adi şəkildə ucalması nəticəsində yaranmış saysız təbii körpülər və onların dəhliz kimi görüntüsünü görə adlanıb. Cəngəllikləri xatırladan meşədən, agac köklərinin üzə çıxıb labirintə bənzətdiyi kəskin yoxuş və enişlərlə dolu cığırları keçdikdən sonra qarşımızda açılan heyrətamiz təbiət görüntüsü insanı valeh edir.