Simurq Təhsil Fondu müharibədən əziyyət çəkənlərə dəstək olmaq üçün yaradılmış fondlardan biridir. Fondun təsisçilərindən biri Fatma Qurbanova deyir ki, Simurqun əsas məqsədi, Aprel döyüşləri, Tovuz döyüşləri və II Qarabağ müharibəsi iştirakçılarının yaxınlarının təhsilinə maddi və mənəvi cəhətdən dəstək göstərməkdir. Simurq təhsil fondunun komandası tam könüllü fəaliyyət göstərir. Fatma Qurbanova insanların sadəcə ianə verib unutmamamaqları üçün, komandayla müxtəlif kampaniyalar üzərində çalışdıqlarını qeyd edir. Ve deyir ki, 8 Mart günündən başlanan Gül kampaniyası buna çox yaxşı nümunədir.